ඌවපරණගම යනු ලංකාවටම එළවලු නිෂ්පාදනය කරන ප්‍රදේශයකි. මෙම එළවලු වගා කරන ගොවීන් මුළුමනින්ම පාහේ සිංහළුන්ය. නමුත් එම ගොවීන් තම නිෂ්පාදන අලවි කිරිමේදී කාලාංතරයක් තිස්සේ අසීමිත ලෙස අසාධාරණයට ලක් වෙමින් සිටී. මේ පිළිබද පුළුල් පැහැදිළි කිරීමක් මා සතු වුවද ඒ සියල්ල මුළුමනින් සදහන් නොකර උදාහරණයක් ඉදිරිපත් කරන්නම්.
ඔබගේ ගැනුම් මිල:
ගොවීන්ගේ විකුණුම් මිල:
ඔබගේ අනුමානය පරිදි, 250 ක් රු 40 ක් වන්නටනම්, ගොවීන් උපයන මුදල කීයක් වන්නට ඇත්ද ?
1Kg ක් රු 140 ක්
1Kg ක් රු 130 ක්
1Kg ක් රු 120 ක්
1Kg ක් රු 100 ක්
1Kg ක් රු 90 ක්
1Kg ක් රු 70 ක්
1Kg ක් රු 50 ක්.
නැත.
ගොවීන් තම ඔනෑම එළවළු වර්ගයක් රු 50 ට වඩා අධික මිලකට විකුනාගන්නේ ඉතා කලාතුරකිණි. අභාග්‍ය නම් ඔවුන් බොහෝ විට තම එළවලු රු 2, රු 5 වැනි කුණුම කුණු කොල්ලයටද විකිණීමයි. ඔබට මේ ඛේදවාචකය තේරුම් ගැනීමට එම උදාහරණය ප්‍රමාණවත් යැයි මම සිතමි.
ඌවපරණගම යනු ලංකාවේ එළවළු පරිභෝජනයෙන් ඉතා ඉහළ ප්‍රතිශතයක් සපුරාලන ප්‍රදේශයකි. මිනිසාගේ මූලික අවශ්‍යතාවක් වන ආහාර ද්‍රව්‍ය සපයන්නකු වුවත්, ශ්‍රී ලංකාවේ දරිද්‍රතා දර්ශක වල පහළින්ම මෙම ප්‍රදේශය පිහිටීම පුදුමයට කරුණකි. ඌවපරණගම පමණක් නොව, ලංකාව පුරා ගොවීන්ගේ අභාග්‍යසම්පන්න ඉරණම එයයි.
මා ඌවපරණගම ප්‍රදේශයේ ඉපිද, අදවනවිට මා හැදෑරූ අධ්‍යාපනයට සරිලන රැකියාවක් කරමින් කොලඹ ප්‍රදේශයේ වාසය කරයි. මා කුඩා කල ගොවිතැන් කිරීමට සහාය දී ඇත. මගේ දෙමාපියන්, නෑදෑයන්, ගංවාසීන් තවමත් ගොවිතැන් කරයි. මා අද වනවිට පාරිබෝගිකයකු ලෙස අහිංසක ගොවීන්ගේ නිෂ්පාදන කොළඹ සිට මිලදී ගනියි. මේ සම්පූරණ ඛේදවාචකයයේ ආරම්භක හා අවසාන පුරුක් දෙකම මා හොදින්ම දනී.
මෙය මා ජිවිතයට එක් කරගත් අභියෝගයකි. මෙම අහස පොලොව නොඋහුලන අසාධාරණය කෙලවරකින් පටන් ගෙන විසදාලීම. මෙය මා විසින් නොවිසිදුවද කිසිවකු විසින් හෝ විසදාලීම දැකීම පවා මට ඉමහත් සතුටට තුඩු දෙන කරුණකි. මෙයට ඇත්තේ ව්‍යාපාරික විසදුමකි. මා එම අබියෝගය ජය ගන්නා තෙක් කිසිවකුට එම අහිංසක මිනිසුන්ට සාධාරණයක් කිරීමට අවස්තාව ලබාදීමට මම මේ සටහන තබමි.
No comments:
Post a Comment