ඔයා ගොඩක් වෙනස් වෙලා

කම්බුල් පිරිලා
අතපය පාට වෙලා
කන්පෙති ලා දළු වගේ වෙලා
ඉස්සරත් එහෙමයි
ඒත් ඔයා ගොඩක් වෙනස්  වෙලා

කටහඩ සුමුදු වෙලා
හුස්මත් උණුසුම් වෙලා
සුවදත් මිහිරි වෙලා
ඉස්සරත් එහෙමයි
ඒත් ඔයා ගොඩක් වෙනස්  වෙලා

ඇවිදිනකොට හරිම සුන්දරයි
කතා කරනකොට හරිම මිහිරියි
බලනකොට හරිම කරුණාවයි
ඉස්සරත් එහෙමයි
ඒත් ඔයා ගොඩක් වෙනස්  වෙලා

අද අම්මිගේ උපන්දිනේ
දූ ඉක්මනට ලොකු වෙන්න
චුටි දූ ආවට පස්සේ
අම්මි ගොඩක් හැඩ වෙලා